ტარიელ ჩუბინიძე - ტიფლი

„ქვაციხის ჩაის თაიგულის“ მთებში მოყვანილი ჩაი არ შეიცავს ხელოვნურ დანამატებს, ემულსიფიკატორებსა და საღებავებს. მისი დამუშავება ხდება მხოლოდ ორგანული სასუქების გამოყენებით, რის შედეგადაც მიიღება ეკოლოგიურად სუფთა პროდუქტი გამორჩეული არომატითა და უნიკალური გემოთი.

მოსავლის აღების სეზონზე, რომელიც აპრილიდან ოქტომბრამდე გრძელდება, დაახლოებით 55 ადგილობრივი მუშაობს პლანტაციებში, ჩაის საკრეფად. ჩუბინიძისთვის ხარისხი გადამწყვეტი მნიშვნელობისაა. პირვანდელი თვისებების შესანარჩუნებლად, ჩაის ფოთლების კრეფა მომწიფების გარკვეულ ეტაპზე ხდება და მოკრეფიდან 3 დან 5 საათში მუშავდება.

ევროკავშირის, შვედეთისა და ავსტრიის მიერ თანადაფინანსებული პროექტის, GRETA-ს მხარდაჭერით, მოხდა კოოპერატივის საჭირო ტექნიკით აღჭურვა. ამან ჩუბინიძეს წარმოების დივერსიფიცირების საშუალება მისცა. დღესდღეობით, საწარმოში სამი სახის ჩაი, შავი, მწვანე და თეთრი ჩაი იწარმოება.

მომავალზე ფიქრისას ჩუბინიძე ამბიციური და იმედიანია. მისი მიზანია 10 ტონა ჩაის წარმოება ქვეყნის საზღვრებს გარეთ გასატანად. ამჟამად კომპანია 3,5 ტონას აწარმოებს, მაგრამ ჩუბინიძის აზრით, ისინი მიზანს რამდენიმე წელიწადში მიაღწევენ. გარდა ამისა, ის აპირებს რომ ჩაის მოყვარულებს საქართველოდან და მსოფლიოდან, შესთავაზოს ჩაის სხვადასხვა სახეობები, მათ შორის მოცვის, ტყის კენკრისა და მცენარეული ჯიშები.